TFS YAKABIDHI HUNDI YA ML20 KWA RC PWANI KUSAIDIA MAFURIKO RUFIJI NA KIBITI

 

NA VICTOR MASANGU,PWANI

WAKALA wa huduma za Misitu Tanzania ( TFS ) wametoa hundi ya shilingi milioni 20 kwa ajili ya kuwasaidia wananchi waliokumbwa  na mafuriko katika Wilaya  za   Rufiji na Kibiti mkoa wa Pwani na makazi yao kuzingirwa na maji.

Akipokea msaada huo mkuu wa mkoa wa Pwani Abubakari Kunenge amewashukuru TFS na kubainisha kwamba bado kuna uhitaji mkubwa hivyo  fedha hizo zitakwenda kuwa msaada mkubwa katika kutatua  changamoto zilizowakabili  wananchi hao.

Kunenge aliwapongeza kwa dhati kwa kutoa msaada huo wa fedha ambazo zitaweza kusaidia kwa kiasi kikubwa katika kuwafikishia huduma na mahitaji mbali mbali.

"Nawashukuru sana TFS kwa kuweza kutoa fedha hii na zitaweza kuwasaidia kwa kiasi kikubwa katika kupelela huduma kwa wananchi ambao wamekumbwa na mafuriko katika Wilaya ya Rufiji na Kibiti,"alisema Kunenge.

Kadhalika kunenge aliwahimiza wananchi kuondoka katika maeneo ambayo ni hatarishi na kuweza kuhamia katika maeneo ambayo ni salama ambayo yametengwa na serikali.

Akikabidhi msaada huo  Meneja uhusiano wa TFS amesema kwamba Johari Kachambwa amesema  wameamua kutoa msaada huo baada ya kuguswa na athari za  mafuriko  yaliyotokea.

Johari alisema kuwa ana imani kwamba fedha hizo walizozitoa ana imani kubwa zitaweza kuwasaidia wananchi hao katika mahitaji  yao mbali mbali.

"Sisi kama TFS tumeguswa sana na wenzetu ambao ni wananchi wa Wilaya ya Rufiji na Kibiti na tumemkabidhi mkuu wa Mkoa  wa Pwani mfano wa hundi ya kiasi cha  shilingi 20,"alisemwa Kachambwa.

Katika hatua nyingine mkuu wa mkoa wa Pwani Abubakari Kunenge amesema maandalizi kwa ajili ya kuupokea Mwenge yamekamilika na kuwahimiza wananchi kujitoza kwa wingi  April 29 mwaka huu katika halmashauri ya Chalinze.